مطبخ لالة+

شطيطحة سردين

شطيطحة سردين

المكوّنات:

1 كغ سردين
4 حبات طماطم
ملعقة كبيرة طماطم مصبرة
3 سنينات ثوم
حشيش (دبشة) مقطعة صغيرة
ملعقة صغيرة عكري حار
ملح- فلفل أسود
كاس فرينة(باه نرمدوه)
زيت للقلي
حبة فلفل حار

1-أول شي نقو السردين ونغسلوه وننزعو منو الشوك.

2-نحضرو الدرسة: في كأس البرا نضع حبات الطماطم مقطعين وننزعولهم الزريعة ونضيفو ملعقة الطماطم المصبرة مع الثوم وملعقة عكري حار ونضيفو الحشيش المقطع صغير والملح والفلفل الأسود ونميكسو كلش.

3-نصف من الدرسة نديروها للسردين منزوع الشوك وطبعا نزيدولو رشة صغيرة ملح ونعجنوه بالأيدي.

4-والنصف الآخر من الدرسة نضعوه في طنجرة مع شويا زيت. وزوج كيسان ماء.

5-كي نعجنو السردين نعملو كويرات صغيرة نرمدوهم ف الفرينة ونقلوهم ف الزيت.

6-كي نقلو الكويرات نضعهم في الطنجرة ليفيها الدرسة ونخلوهم يتشربو مايطولوش ونقطع حبة فلفل حار ونحطها ف الغلية الأخيرة ونطفي النار ونعمل من الفوق حشيش مقطع.

مقالات ذات صلة

زر الذهاب إلى الأعلى