فطائر بالدجاج بمذاق الباربكيو
فطائر بالدجاج بمذاق الباربكيو
العجين كاس ماء دافي ملعقة كبيرة سنيدة/ سكر خشن الملح ابيض بيضة ونصف كاس الزيت ملعقة كبيرة خميرة الفورية منين يسخن الحال نقصو من كمية الخميرة كنطرب كلشي وكنظيف كاس دقيق وكنخلي الخليط يتفاعل مدة 5 دقائق و كنظيف كاس من الفينو وكنكمل بالدقيق حتى كتجمع ما كتحتاجش تدلك العجينة كتكون رخوة وما كتلصقش فاليدين كنغطيها تخمر
الحشوة صدر دجاج مقطع كنظيف ليه فص الثوم شوية الملح الابزار وسكينجبير طري وزيت كنخليه يترقد شوية فمقلاة كندير زيت الزيتون وكنشحر فيه الدجاج منين كيطيبو كنحيدو وكنظيف لي جوج معالق من صلصة الباربكيو كتعطيه مذاق رائع وكنظيف الفطر المعلب يكون مغسول ومستقطر كندوزو فنفس المقلاة لي درت الدجاج باش يجي منين حتى هو وكنحيدو كنخاد بصلة مقطعة رقيق كنقطعها وتحطها على جنب وصلصة الطماطم والفرماج كلشي كنوجدو مجرد كتحمر العجينة كنخرج منها الهواء وكنشكله كرات صغار كنحطهم فالاطة تكون مفرشة بورق الزبدة ونغطيهم يرتاحو شوية منين كيرتاحو كناخد الجهة السفلى ديال كاس كندوزو فالدقيق ونشكل بيه حفرة فوسط الكرة كنحاول نقدها مزيان و كندير صلصلة الطماطم الجبن الدجاج والفطر و البصل كنكملهم كاملين وكندهن باصفر البيض لي احتفظت بيه كنخلطو مع الملح وشوية الحليب كندهن الجوانب ونزبن بالزنجلان والباڤو وكندخلهم للفران لي مسخن من قبل درجة حرارة متوسطة يطيبو من التحت عاد كنشعل الفوق مجرد يتحمرو كنخرجهم وكندير فوقهم الفرماج باس يدوب وكندير رشة خفيفة من التحميرة كتزيين لا غير وبالصحة والراحة
